Ishami rya Musanze rihereye mu Karere ka Musanze, mu Murenge wa Muhoza, Akarere ka Musanze, Intara y’Amajyaruguru. Mu rwego rw'imiyoborere, ishami rya Musanze rireberera ibikorwa by'Ubuhinzi n'Ubworozi bikorerwa mu Turere twa Musanze, Rulindo na Gakenke.
Mbere, iri shami ryari rizwi nka Centre PNAP, ryashinzwe mu 1979 rigamije gukora ubushakashatsi ku gihingwa cy'ibirayi. Mu mwaka wa 2000, ryaguye ibikorwa byaryo harimo gukora ubushakashatsi ku bihingwa bitandukanye birimo: ibishyimbo, ingano, ibigori n’imboga, hamwe n’imicungire y’ubutaka n’amazi ndetse n’ubworozi.
Iri shami rifite site rikoreraho ubushakashatsi ziherereye ku butumburuke bwa metero 2300, mu Murenge wa Kinigi, Akarere ka Musanze (1°25'6’’ S, 29°35'25’’ E), ikoreshwa mu bushakashatsi, gutubura imbuto n’ibikorwa by’ubworozi.
Ikirere cya Musanze
Ikirere cya Musanze kirahehereye kandi kigira n'ubushyuhe bucye
Imvura igwa umwaka wose
Impuzandengo y’imvura: 1302 mm ku mwaka
Impuzandengo y’ubushyuhe: 17.8°C
RUKUNDO Aimable
Umuyobozi Wa Sitasiyo