Ishami rya Gishwati rihereye mu Ntara y’Iburengerazuba, mu Karere ka Nyabihu, Umurenge wa Mulinga,Akagari ka Gakamba. Mu rwego rw'imiyoborere, ishami rya Gishwati rireberera ibikorwa by'Ubuhinzi n'Ubworozi bikorerwa mu Turere twa Ngororero na Nyabihu.
Iri shami rikorera ibikorwa byaryo muri site ebyri arizo:
Site ya Gatindori ifite ubuso bungana na hegitari 203, ikorerwamo ibikorwa by’iterambere ry’ubworozi bw’inka.
Site ya PNAP ifite ubuso bwa hegitari 100, ikoreshwa mu gutubura imbuto z’ibirayi no mu bikorwa by’ubworozi.
Ishami rya Gishwati rifasha mu ishyirwa mu bikorwa ry’inshingano za RAB binyuze mu gukora ubushakashatsi mu buhinzi n’ubworozi hagamijwe kongera umusaruro.
Porogaramu z’ingenzi zishyirwa mu bikorwa niri shami zirimo: Porogaramu yo kongera umusaruro w’ibihingwa (CIP), Porogaramu yo gufata neza umusaruro, gufata neza ubutaka, guteza imbere ibihingwa ngandurarugo, Guteza imbere ry’ubworozi, kuhira ku buso buto, n’ubuhinzi bw’imboga n’imbuto.
Iri shami kandi ritanga serivisi zitandukanye zirimo: gutanga imbuto y'ibanze y’ibirayi, ubujyanama mu buhinzi, guhugura abahinzi ku gufata neza umusaruro, kurwanya isuri, imikoreshereze y’ifumbire n’imbuto, ndetse no gufasha abacuruzi b’inyongeramusaruro.
Mu bworozi, itanga serivisi z’ubuvuzi bw’amatungo, gutera intanga (artificial insemination), ikoranabuhanga ryo guhinga ubwatsi utifashsishije ubutaka hydroponic fodder, guteza imbere umukamo, ndetse n’ubufasha bwa tekiniki mu bworozi.
HABUMUREMYI Jean Baptiste
Umuyobozi Wa Sitasiyo