Imishinga Iterwa Inkunga na IFAD
1. RDDP
Uyu mushinga wibanda ku nkingi eshatu z’ingenzi arizo:
Guteza imbere ubworozi bw'inka zitanga umukamo bushingiye ku buryo bujyanye n’imihindagurikire y’ikirere;
Guteza imbere amashyirahamwe y’aborozi n’uruhererekane nyongeragaciro;
Guteza imbere inzego n’amategeko agenga urwego rw’ubworozi.
RDDP ikorera mu turere 14 two mu Ntara enye z’u Rwanda:
Iburasirazuba: Nyagatare, Rwamagana, Kayonza na Gatsibo;
Amajyaruguru: Gicumbi, Burera na Musanze;
Iburengerazuba: Nyabihu, Rubavu, Rutsiro na Ngororero;
Amajyepfo: Nyanza, Huye na Ruhango.
2. PRISM
Uyu mushinga uterwa inkunga na Guverinoma y’u Rwanda, IFAD na Enabel, ku bufatanye na Heifer International ndetse na VSF Belgium nk’abafatanyabikorwa bakomeye mu ishyirwa mu bikorwa ryawo.
PRISM ikorera mu turere 15 two mu Ntara z’Amajyaruguru, Amajyepfo n’Iburengerazuba:
Amajyaruguru: Gakenke, Musanze, Burera, Rulindo na Gicumbi;
Amajyepfo: Ruhango, Huye, Gisagara, Nyaruguru na Nyamagabe;
Iburengerazuba: Nyabihu, Rutsiro, Ngororero, Karongi na Nyamasheke.
Aya turere yatoranyijwe hashingiwe ku rwego rw’ubukene, ikibazo cy’ibura ry’ibiribwa ndetse n’ubushobozi bwaho mu guteza imbere ubworozi bw’amatungo magufi.
PRISM yibanda ku ruhererekane nyongeragaciro rw’amatungo magufi arimo:
Ingurube;
Inkoko;
Intama n’ihene.
3. KIIWP: Icyiciro cya I (2019–2023) n’Icyiciro cya II (2023–2028)
Intego rusange ya KIIWP ni ugutanga umusanzu mu kugabanya ubukene mu Ntara y’Iburasirazuba yibasirwa cyane n’amapfa. Binyuze muri uyu mushinga, hitezwe ko abahinzi bato bazihaza mu biribwa n’imirire, kongera amafaranga yinjira mu ngo zisaga 40,000 zo mu cyaro, ndetse no kongera ubushobozi bwo guhangana n’imihindagurikire y’ikirere no kongera umutungo, cyane cyane ku miryango iyobowe n’abagore n’urubyiruko.
Iyi ntego izagerwaho binyuze mu guteza imbere ibikorwa by’ubuhinzi bugezweho, burambye kandi butanga inyungu, hifashishijwe ubufatanye hagati ya Leta, abikorera n’abahinzi (4Ps) aho bishoboka hose.
KIIWP ikorera mu mirenge icyenda yo mu Karere ka Kayonza ikunze kwibasirwa n’amapfa, ari yo:
Gahini
Kabare
Kabarondo
Murama
Murundi
Mwiri
Ndego
Ruramira
Rwinkwavu.
Imishinga Iterwa Inkunga na Banki y’Isi na KOICA
1. SAPMP
SAPMP ni umushinga uterwa inkunga na Repubulika ya Koreya y’Epfo binyuze mu Kigo cya Repubulika ya Koreya gishinzwe Ubutwererane Mpuzamahanga n’Inkunga y’Amajyambere (KOICA).
Intego y’uyu mushinga ni uguteza imbere ubuhinzi burambye no guhuza abahinzi n’amasoko binyuze mu kongera umusaruro w’ubuhinzi no kunoza uburyo bwo kugurisha umusaruro w’ubuhinzi mu bice umushinga ukoreramo.
2. SAIP
SAIP ni umushinga uterwa inkunga na gahunda mpuzamahanga yita ku buhinzi n’umutekano mu biribwa (GAFSP), binyuze muri Banki y’Isi, Ishami ry’Iterambere Mpuzamahanga (IDA).
Intego y’umushinga ni ukongera umusaruro w’ubuhinzi, korohereza abahinzi kubona amasoko no kwihaza mu biribwa ku baturage mu bice uyu mushinga ukoreramo.
3. CDAT
Intego z’uyu mushinga ni:
Kongera ikoreshwa ry’ubuhinzi bwuhirwa;
Guteza imbere ubuhinzi bushingiye ku bucuruzi ku bahinzi n’ibigo by’ubucuruzi bw’ubuhinzi bikora mu ruhererekane nyongeragaciro rwatoranyijwe;
Kongera uburyo bwo kubona serivisi z’imari mu rwego rw’ubuhinzi.