Porogaramu y’ibinyamisogwe n’ibinyamavuta yibanda ku guteza imbere ubwoko bw’ibinyamisogwe n’ibinyamavuta (nk’ibishyimbo, soya, amashaza, ubunyobwa, ibihwagari n’ibindi) bwera vuba, bwihanganira indwara n’ibyonnyi  kandi butanga umusaruro mwinshi. Iyi progaramu yibanda kandi ku bwoko bw’ibinyamisogwe n’ibinyamavuta bukungahaye ku butare na zenke (Zenc) kandi bukenewe cyane ku masoko

Porogaramu y’ibinyamisogwe n’ibinyamavuta yibanda ku iyamamazabuhinzi no guhanga udushya binyuze mu gushyiraho imirima y’icyitegererezo hirya no hino mu gihugu, gutanga ibiganiro ku ma radiyo na televiziyo no gukorana n’abahinzi mu guhitamo amoko y’ibihingwa yahize andi mu kwitwara neza mu gihe cy’ubushakashatsi.

Iyi porogaramu kandi ishyira imbaraga mu mikoranire n’abafatanyabikorwa batandukanye bari mu ruhererekane nyongeragaciro rw’ibinyamisogwe n’ibinyamavuta, ndetse no kubaka ubushobozi bw’abafatanyabikorwa batanduakanye (abahinzi/amakoperative,abacuruzi n’abanyenganda.

Gusubira Inyuma