Porogaramu yo kuhira igamijekongera umusaruro w’ubuhinzi hagamijwe kurwanya ubukene, binyuze mu guhindura ahashobora kuhirwa ibyanya bikorerwaho ubuhinzi bwuhirwa, no gufasha abahinzi kubyaza ubutaka umusaruro hatitawe ku mvura idahagije cyangwa itizewe.
Mu Rwanda, ukuhira  bikorwa hifashishijwe amazi akusanywa akoherezwa mu matiyo hanyuma akagezwa mu mirima yuhirwa, kuhira hakoreshejwe amazi atemba, ndetse n’ikoranabuhanga ryo kuhira ku buso buto.

Leta y’u Rwanda ibinyujije muri MINAGRI/RAB, yashyizeho ingamba zo kongera umusaruro w’ubuhinzi hagabanywa ukwishingikiriza imvura, ndetse yanatangije imishinga yo kuhira mu bishanga, ku misozi no kuhira ku buso buto. Iyi porogaramu ishyira mu bikorwa imishinga iterwa inkunga ziturutse imbere mu gihugu ndetse no hanze.

Imishinga yo kuhira ifite inkunga zituruka imbere mu gihugu
•    GFI (Government Funded Irrigation): Uyu mushinga wibanda ku gusana no kuvugurura ibishanga bikorerwamo ubuhinzi bwuhirwa, gukora inyigo z’imishinga yo kuhira, no gukurikirana imikorere, imicungire n’ikorwa ry’imirimo yo kubungabunga ibikorwa byo kuhira. 
•    SSIT (Small Scale Irrigation Technology): Uyu mushinga uha abahinzi ibikoresho byo kuhira bifite nkunganire ya leta iri ku kigero cya 50% cyangwa 75%, bitewe n’ubwoko bw’umushinga.

Imishinga iterwa inkunga n’abafatanyabikorwa bo hanze y’igihugu
•    ETI (Export Targeted Modern Irrigation): Uyu mushinga wubaka ibikorwa  bwo kuhira mu Karere ka Kirehe (imishinga ya Mpanga, Mahama 1 na Mahama 2) ndetse no gushyiraho Ikigo cy’Indashyikirwa mu Gukoresha Imashini mu Buhinzi. Uyu mushinga uterwa inkunga binyuze mu nguzanyo yatanzwe banki nyitwa Exim Bank yo mu Buhinde.
•    Exim Bank India New Line of Credit: Iyi nkunga ifasha mu guteza imbere imishinga yo kuhira ya Rweru na Mugesera. 
•    WAMCAB (Water Management and Capacity Building in Rwanda):Uyu  ni umushinga uterwa inkunga na leta y’Ubuyapani binyuze mu kigo cyayo cy’iterambere cyitwa JICA aho wibanda ku  gucunga amazi no guhugura abahinzi gukoresha amazi mu Rwanda.